Եթե Իսպանիայում շարունակվի քաղաքական ճգնաժամը, ապա Մադրիդը կարող է կորցնել Եվրոպայի ինստիտուտներում իր կշիռը, գրում է El Pais պարբերականը՝ վկայակոչելով ԵՄ-ի իր աղբյուրներին:
Վերջին չորս տարում Իսպանիայում չորրորդ ընդհանուր ընտրությունների անցկացման վերաբերյալ վերջին որոշումը որոշակի վնաս է հասցրել Մադրիդի նկատմամբ վստահությանը մի քանի ինստիտուտների կողմից:
«Վերջին ամիսներին Մադրիդին կրկին ու կրկին հիշեցվել է, որ կայունությունն անհրաժեշտություն է, երբ սկսվում են տնտեսական ցնցումներ»,- մեջբերում Է պարբերականը դիվանագիտական իր աղբյուրների խոսքերը:
Բրյուսելը վստահում է վարչապետի պաշտոնակատար Պեդրո Սանչեսին, ով համարվում է մեծ ներուժ ունեցող եվրոպական առաջնորդներից մեկը:
«Մեզ անհրաժեշտ էր սոցիալիստական առաջնորդ, որը կարողանար համալրել Մերկել-Մակրոն տանդեմը, ու երիտասարդ կադրի հայտնվելը նման եվրոպամետ երկրում, ինչպիսին Իսպանիան է, մեկնաբանվել էր որպես ապագայի համար իդեալական հավասարեցում»,- նշել է պարբերականին եվրոպական մյուս աղբյուրը: