«Երբ հազարավոր երկրպագուներ ողջունում են քեզ` խոստովանելով իրենց սերը, այդ ժամանակ քո ներսում ինչ-որ բան կծկվում է միայնությունից»:
Մայքլ Ջեքսոն
Այսօր աշխարհահռչակ ամերիկացի երգիչ, պարող, պրոդյուսեր և գործարար Մայքլ Ջեքսոնի ծննդյան օրն է. նա կդառնար 61 տարեկան: Փոփ երաժշտության արքան երաժշտական կարիերան սկսել է վաղ տարիքից:
Ջեքսոնը բոլոր ժամանակների ամենաշատ սկավառակ վաճառած արտիստն է: Նա 13 անգամ գրանցվել է «Գինեսի ռեկորդների գրքում», 15 անգամ արժանացել է Գրեմմի մրցանակի, համարվում է բոլոր ժամանակների ամենանշանավոր և ազդեցիկ արտիստներից մեկը։
Ամբողջ աշխարհով սփռված Մադամ Տյուսոյի թանգարաններում Մայքլ Ջեքսոնի 5 մոմե արձան կա: Ջեքսոնին է պատկանում հանրահայտ լուսնային քայլքը, որը նա առաջին անգամ ցուցադրել է 1983 թվականին:
Մայքլ Ջեքսոնը մահացել է 2009 թվականին՝ 50 տարեկան հասակում: Ըստ հետաքննության, նա մահացել է անզգուշության հետևանքով գործած սպանության պատճառով: