Մեծ Բրիտանիայի վարչապետ Բորիս Ջոնսոնը հայտարարել է, որ խորհրդարանը դադարեցնում է իր աշխատանքները մինչև հոկտեմբերի 14-ը։ Այս մասին հայտնում է Sky News-ը:
«Մենք պետք է շարունակենք իրականացնել ներքին օրակարգը, և այդ պատճառով հայտարարում ենք, որ թագուհու ելույթը տեղի կունենա հոկտեմբերի 14-ին»,- ասել է Ջոնսոնը:
Ջոնսոնը, սակայն, հերքել է այն պնդումները, որ խորհրդարանի նիստերի հետաձգումն արվում է նրա համար, որպեսզի պատգամավորները չկարողանան արգելափակել Բրիտանիայի ելքը Եվրոմիությունից՝ առանց Brexit-ի պայմանների վերաբերյալ համաձայնության:
Հիշեցնենք, որ Մեծ Բրիտանիան պատրաստվում է լքել ԵՄ-ը այս տարվա հոկտեմբերի 31-ին: