ԱՄՆ նախագահ Դոնալդ Թրամփն ասել է, թե ում կուզենար տեսնել Մեծ Բրիտանիայի վարչապետի պաշտոնում. այս մասին նա խոսել է բրիտանական The Sun-ին տված հարցազրույցի ընթացքում:
Թրամփի խոսքերով, ինքը ճանաչում է տարբեր թեկնածուների, բայց կարծում է, որ վարչապետի պարտականությունները «գերազանց» կարող է կատարել Մեծ Բրիտանիայի ԱԳ նախկին նախարար Բորիս Ջոնսոնը:
«Ես սիրում եմ նրան: Միշտ հավանել եմ նրան: Չգիտեմ՝ կընտրեն նրան, թե ոչ, բայց նրան շատ լավ մարդ եմ համարում, շատ տաղանդավոր անձնավորություն»,- հայտարարել է Թրամփը:
Թրամփն ավելացրել է, որ Ջոնսոնը միշտ դրական է վերաբերվել իրեն ու ԱՄՆ-ին:
Ավելի վաղ, հայտնի էր դարձել, որ Բորիս Ջոնսոնին, Brexit-ի վերաբերյալ հնչեցրած հայտարարությունների հետևանքով, դատարան են կանչել: