Իրանը չի ձգտում զարգացնել միջուկային զենքը: Այս մասին Twitter-ում հայտարարել է Իրանի արտաքին գործերի նախարար Մոհամմադ Ջավադ Զարիֆը:
«Իրանի բարձրագույն ղեկավար այաթոլա Համենեին դեռ վաղուց էր հայտարարել, որ մենք չենք ձգտում միջուկային զենքի: Նա ֆեթվա (խմբ. հոգևոր բարձրագույն անձի վճիռ) արձակեց, որով արգելեց դա»,- ասված է դիվանագետի գրառման մեջ:
Զարիֆը նաև ընդծել է, որ ԱՄՆ-ի «տնտեսական ահաբեկչությունն» անհանգստացնում է Իրանի ժողովրդին ու տարածաշրջանում լարվածություն ստեղծում: