Խնդրում ենք սպասել...
Այսօր`  երկուշաբթի, 17 հունիսի, 2019 թ.

Իրադարձություններ

«Եթե անհրաժեշտ լինի իրականացնել սահմանադրական փոփոխություններ, պետք է գնանք նաև այդ քայլին». վարչապետ

12:35, երկուշաբթի, 20 մայիսի, 2019 թ.
«Եթե անհրաժեշտ լինի իրականացնել սահմանադրական փոփոխություններ, պետք է գնանք նաև այդ քայլին». վարչապետ

Ինչպես արդեն հայտնել էինք, ՀՀ վարչապետ Նիկոլ Փաշինյանը կառավարությունում հանդիպում է ունեցել բարձրաստիճան պաշտոնյաների հետ, որի ժամանակ անդրադարձել է դատական համակարգի խնդիրներին. «Հիմա արդեն անցումային արդարադատության մեխանիզմների ներդրումը կենսական անհրաժեշտություն է Հայաստանի Հանրապետության համար, և մենք պետք է 1-2 ամսվա ընթացքում ամփոփենք վերջին 7-8 ամիսներին մեր կատարած աշխատանքը։

Ազգային ժողովում պետք է տեղի ունենա համապատասխան օրենսդրական աշխատանք՝ մեր երկրի համար կենսական այս օրակարգը կյանքի կոչելու և Հայաստանում իրապես երաշխավորված անկախ դատական համակարգ ունենալու համար։ Եթե սրա համար անհրաժեշտ լինի իրականացնել սահմանադրական փոփոխություններ, մենք պետք է գնանք նաև այդ քայլին։ Եթե պետք լինի դա անել համաժողովրդական հանրաքվեով, մենք պետք է գնանք նաև այդ լուծումների։ Այս ողջ աշխատանքը, ընդ որում, պետք է տեղի ունենա այս ոլորտի միջազգային հեղինակավոր կազմակերպությունների հետ համագործակցության, միջազգային լավագույն փորձի և Հայաստանի ստանձնած միջազգային պարտավորությունների շրջանակներում»,- հանդիպման ժամանակ ասել է ՀՀ վարչապետը:

| | |
1718 | 0
Facebook