Մակեդոնիայի Հանրապետությունը Հյուսիսային Մակեդոնիա վերանվանելու մասին Պրեսպանի պայմանագիրն ուժի մեջ է մտել: Այս մասին Twitter-ի իրենց էջերում հայտնել են Հունաստանի փոխարտգործնախարար Յորղոս Կատրունղալոսն ու Մակեդոնիայի արտգործնախարար Նիկոլա Դիմիտրովը:
«Ուժի մեջ է մտել Պրեսպանի պայմանագիրը: Նոր դարաշրջան է սկսվում տարածաշրջանում Հյուսիսային Մակեդոնիայի հետ կայունության և խաղաղության, բարեկամության և համագործակցության համար»,- գրել է Յորղոս Կատրունղալոսը:
Իր հերթին, Նիկոլա Դիմիտրովը գրել է.
«Փոխանակվեցինք եզրափակիչ վերաբալ նոտայով: Պրեսպանի պայմանագիրն ուժի մեջ է մտել: Այսօր սկիզբ է դրվում Հունաստանի և Հյուսիսային Մակեդոնիայի միջև երկարատև բարեկամությանը: Մենք չենք կարող փոխել մեր անցյալը, սակայն կարող ենք ձևավորել մեր բարեկամության և գործընկերության ապագան»: