Երեկ Բաքվում կայացել է Ռուսաստանի արտաքին գործերի նախարար Սերգեյ Լավրովի և Ադրբեջանի նախագահ Իլհամ Ալիևի հանդիպումը:
Հանդիպման ընթացքում կողմերը քննարկել են երկու երկրների միջև համագործակցությունը, ինչպես նաև Լեռնային Ղարաբաղի հակամարտության կարգավորումը:
«Ցանկանում ենք շարունակել նպաստել Երևանի և Բաքվի միջև ուղիղ երկխոսությանը՝ Լեռնային Ղարաբաղի հակամարտության կարգավորման համար»,- РИА Новости-ն մեջբերում է Լավրովի խոսքը:
Նախատեսված են նաև բանակցություններ Ադրբեջանի արտաքին գործերի նախարար Էլմար Մամեդյարովի հետ: Լավրովը Բաքվում մասնակցում է Սևծովյան տնտեսական համագործակցության արտգործնախարարների նիստին։