Միջազգային

Ռուսաստանի պաշտպանության նախարարի առաջին տեղակալ, ՌԴ զինված ուժերի գլխավոր շտաբի պետ Վալերի Գերասիմովն Ադրբեջան կատարած աշխատանքային այցի ընթացքում հանդիպել է Ադրբեջանի պաշտպանության նախարարի առաջին տեղակալ, զինված ուժերի գլխավոր շտաբի պետ Նաջմեդին Սադիկովի հետ, գրում են ռուսական լրատվամիջոցները՝ հղում անելով Ադրբեջանի ՊՆ մամուլի ծառայությանը:

Ըստ տեղեկության՝ կողմերն անդրադարձել են տարածաշրջանում ռազմաքաղաքական իրավիճակին և անվտանգության հարցերին: Ադրբեջանցի պաշտոնյան նշել է, որ «Լեռնային Ղարաբաղի հակամարտությունը սպառնալիք է ներկայացնում տարածաշրջանային անվտանգության համար»:

Իր հերթին, Գերասիմովը նշել է «երկու պետությունների միջև պատմական կապն ու Ադրբեջանի հետ Ռուսաստանի ռազմավարական գործընկերության կարևորությունը»: