«Վիրտուոզները Մարալիկում». Արմեն Դուլյան
Լրագրող Արմեն Դուլյանը ֆեյսբուքյան էջում գրել է. Երեկ խոստացել էի վերլուծել Մարալիկում տեղի ունեցածի կապը ընտրությունների հետ... Երեւի մի հազար անգամ եթերում էլ եմ ասել, որ հանրապետականները ընտրությունների ժամանակ վաղուց արդեն կիրառում էին տեխնոլոգիաներ, որոնք, այսպես ասեմ, չբռնվող էին, գտնվում էին, ինչպես ֆուտբոլի ռուսաստանցի մեկնաբաններն են ասում, на грани фола, այսինքն թույլատրելիի եւ անթույլատրելիի սահմանագծին... Օրինակ, քվեարկության օրը, բոլորդ էլ տեսել եք, ընտրատեղամասից մի փոքր հեռու հավաքվում էին թաղային հեղինակությունները՝ իրենց թիմերով... Կրիմինալ բան չկար դրանում, բայց դա ուղերձ էր ընտրակեղծարարներին՝ արխային կեղծեք, մենք ձեր կողքին ենք, հենց որ մեկը ձեն հանի, հերը կանիծենք... Եւ իրոք, երբ ես որպես դիտորդ կամ լրագրող ակնհայտ խախտում էի նկատում ու ահազանգում էի այդ մասին, էդ թաղայինները հարձակվում էին վրաս՝ թե ինչ ես բույանիտ անում ընտրատեղամասում, խոչընդոտում քվեարկությունը, վերջում էլ կանչում էին ոստիկաններին, որոնք նույն իրենց թիմից էին ու ինձ հեռացնում էին տեղամասից.... Կարող էին նույնիսկ քաղմաս տանել ու վրաս գործ հարուցել քվեարկությունը խոչընդոտելու համար.... Այսինքն՝ իրենց գործողություններում կրիմինալ չկար, իրենք պարզապես հավաքվում էին ընտրատեղամասի մոտ ու ճիշտ պահին անում ճիշտ գործողություններ... |