Վրաստանի նախկին նախագահ և Օդեսայի նախկին նահանգապետ Միխայիլ Սաակաշվիլին հաստատել է, որ կալանքից ազատվելուց հետո նամակ է փոխանցել Ուկրաինայի նախագահ Պետրո Պորոշենկոյին, հաղորդում է ZIK-ը:
Պորոշենկոյի իմպիչմենթի համար ցույցեր կազմակերպած քաղաքական գործչի խոսքով՝ նա «արել է այն, ինչ անում են հաղթողները, ովքեր վստահ են իրենց իրավացիության մեջ»:
«Ես նրան ասացի. «Դուք ինձ սխալ եք մեղադրում: Դուք չեք կարող չիմանալ, որ ինձ համար վիրավորանք է ինձ ռուսական գործակալ անվանելը»: Ինձ ասացին, որ մի քանի օրից նախագահը պատրաստ է հանդիպում անցկացնել: Սակայն ես պատասխանեցի, որ այդպես չի լինի: Ես այն մարդը չեմ, ով հետևի դռնից ինչ-որ տեղ կմտնի»,- հայտարարել է Սաակաշվիլին:
Սաակաշվիլին նաև հայտնել է, որ Պորոշենկոյի հետ ուղիղ երկխոսություն է պահանջում:
«Նրանք պետք է վերադարձնեն գողացվածը, սակայն անցումը պետք է խաղաղ լինի»,- հավելել է քաղաքական գործիչը: