Նյու Յորքում մեղադրանք է առաջադրվել կնոջ նկատմամբ, ով զբաղվել է բիթքոինի և այլ ծպտյալ արժույթների լվացմամբ, իսկ ստացված գումարն ուղարկել է ԴԱԻՇ ահաբեկչական խմբավորմանը, հաղորդում է BBC-ն:
27-ամյա Զուբիա Շահնազը մեղադրվում է նաև բանկային խաբեությունների և փողերի լվացման համար: Նա կալանքի տակ է գտնվում, գրավի դիմաց ազատ արձակումը նրան մերժել են:
Զուբիա Շահնազը ծնվել է Պակիստանում: ԱՄՆ-ում նա որպես լաբորանտ է աշխատել:
Ըստ առաջադրված մեղադրանքի՝ նա խաբեությամբ բանկից 85 հազար դոլար է ստացել, որպեսզի համացանցում բիթքոին գնի:
Բիթքոինը վիրտուալ արժույթ է: Չնայած այն վճարման օրինական միջոց չի համարվում՝ այս տարի այդ արժույթի փոխարժեքը կտրուկ աճել է: Հանցավոր խմբավորումները բիթքոինն օգտագործում են փող լվանալու նպատակով: