«Հայկական ֆաշիզմ» անվանումով ադրբեջանական ֆիլմը ներառվել է ծայրահեղական նյութերի ռուսական դաշնային ցուցակում: Այս մասին հաղորդում է Rusarminfo-ն:
«1 ժամ 5 րոպե 59 վայրկյան տևողությամբ «Հայկական ֆաշիզմ» ֆիլմը, որը սկսվում է «Ադրբեջանը Կովկասում հայերի վերաբնակեցման պահից» և ավարտվում «…և մյուս կողմից Ադրբեջանին՝ որպես ագրեսիայի զոհի» խոսքերով, ծայրահեղական նյութ է ճանաչվել»,- ասվում է Ռուսաստանի արդարադատության նախարարության պաշտոնական կայքում տեղակայված հաղորդագրության մեջ:
Ռուսական դատարանի որոշման համաձայն՝ Ռուսաստանի տարածքում ֆիլմի ցուցադրությունն արգելվել է: