Ռիհաննայի մտերիմները երգչուհու առողջական վիճակի հետ կապված մտավախություն ունեն: Ընկերների պնդմամբ` նա չի հետևում իր առողջությանը. օրվա մեծ մասն անց է կացնում ակումբներում, չի քնում և չարաշահում է ալկոհոլը: Ռիհաննան վերջին շրջանում հաճախակի է հետաձգում համերգները: Վերջերս Նյու-Յորքում կայացած երեկույթից հետո երգչուհուն նույնիսկ հոսպիտալացրել էին:
Սակայն Ռիհաննան միակը չէ, ով առանց հանգստի ակումբային արկածներով լի կյանք է վարում:
Օրերս բրիտանացի 65-ամյա հայտնի երգիչ Էլթոն Ջոնն էլ անհանգստություն էր հայտնել Լեդի Գագայի` չափից շատ աշխատելու համար:
Հիշեցնենք նաև, որ օրեր առաջ` համերգի ժամանակ երգչուհին ուղեղի ցնցում էր ստացել: