ՄԱԿ-ի Գլխավոր ասամբլեայի 72-րդ նստաշրջանի շրջանակներում ԱՄՆ նախագահ Դոնալդ Թրամփը հանդիպել է Ուկրաինայի նախագահ Պետրո Պորոշենկոյի հետ: ԱՄՆ ղեկավարն ասել է, որ երկու երկրների հարաբերություններում առաջընթաց է արձանագրվել վերջին հանդիպումից հետո: «Չէի ասի, որ Ուկրաինան ամենալավ տեղն է ապրելու համար, բայց ձեզ մոտ գործերը գնալով լավանում են»,- ասել է Թրամփը՝ չհստակեցնելով իրավիճակի ինչ բարելավման մասին է խոսքը:
Պորոշենկոն էլ առանձնացրել է երկու երկրների միջև տնտեսական հարաբերությունների զարգացումը և ընդգծել, որ ամերիկյան կազմակերպությունները «մեծ պոտենցյալ են տեսնում Ուկրաինայում»:
РИА Новости-ն նշում է, որ Պորոշենկոն մտադիր է Թրամփի հետ քննարկել Դոնբասում ստեղծված կացությունը և անվտանգության ոլորտում համագործակցության վերաբերյալ մի շարք հարցեր: