Գերմանիան մտադիր է էլ ավելի սահմանափակել Թուրքիայի հետ տնտեսական համագործակցությունը, որպեսզի հասնի այդ երկրում ազատազրկված իր քաղաքացիների ազատմանը: Այդ մասին Passauer Neue Presse թերթին տված հարցազրույցում հայտարարել է Մերկելը:
Գերմանիայի իշխանությունների գնահատականներով՝ Թուրքիայի կալանավայրերում Գերմանիայի ավելի քան 50 քաղաքացի է բանտարկված: Այդ ձերբակալությունների ֆոնին գերմանացի քաղաքական գործիչները սաստկացրել են Թուրքիայի հանդեպ իրենց հռետորաբանությունը:
Նշենք, որ հոկտեմբերին կսկսվի Թուրքիայի՝ ԵՄ անդամակցության շուրջ բանակցությունների դադարեցման գործընթացը: