Մեծ Բրիտանիայի Մանչեսթր քաղաքի «Մանչեսթր արենա» մարզադաշտում ամերիկացի երգչուհի Արիանա Գրանդեի համերգից հետո երկու պայթյուն է որոտացել, ինչի հետևանքով զոհվել է 19 մարդ, վիրավորների թիվը հասնում է 50-ի: Մարզադաշտը շուրջ 21 հազար մարդ է տեղավորում:
Մանչեսթր քաղաքի ոստիկանությունը կատարվածն ահաբեկչություն է որակել` նշելով, որ քանի դեռ այլ մանրամասներ հայտնի չեն, պատահարը կարելի է ահաբեկչություն որակել:
ԱՄՆ իշխանությունները, սակայն, պնդում են, որ պայթյունն իրականացրել է մահապարտ ահաբեկիչը:
Ավելի ուշ կատարվածն ահաբեկչություն է որակել նաև Մեծ Բրիտանիայի վարչապետ Թերեզա Մեյը: