Մեքսիկայում Սուրբ Զատկին նվիրված ներկայացման ժամանակ Հուդայի դերակատարը մահացել է կախաղանի վրա ինքնասպանության դերը խաղալիս: Այս մասին հայտնում է The Daily Mail-ը:
Աղբյուրի հաղորդմամբ` կախաղանի տեսարանը ներկայացնելիս 23-ամյա դերասանը պատահաբար սայթաքել է պատվանդանից, ինչի հետևանքով խեղդամահ է եղել: Ներկայացման հանդիսատեսներից մեկը փորձել է վերակենդանացնել նրան մինչև շտապօգնության ժամանումը, սակայն դերասանը մահացել է հիվանդանոց տեղափոխվելու ճանապարհին:
Նշվում է, որ միջադեպի փաստով հետաքննություն է սկսվել: Դերասանի մահվան ամենահավանական պատճառ է համարվում դժբախտ պատահարը: