Ամերիկայի Միացյալ Նահանգների նախագահ Թրամփը Տրանսխաղաղօվկիանոսյան դաշինքից (TPP) դուրս գալու մասին հրամանագիր է ստորագրել, հայտնում է CNN-ը` հղում անելով Սպիտակ տան իր աղբյուրներին: Սա նրա առաջին քայլն է արտաքին քաղաքականության ոլորտում: Նշվում է, որ ԱՄՆ նախագահը մտադիր է վերանայել ազատ առևտրի վերաբերյալ Հյուսիսամերիկյան համաձայնագիրը (NAFTA):
TPP-ն ազատ առևտրի գոտի է Խաղաղ օվկիանոսի ավազանում գտնվող 12 պետությունների համար: Թրամփը նախորդ տարվա նոյեմբերիին ԱՄՆ-ի համար պոտենցիալ աղետ էր որակել տնտեսական այդ գործընկերությունը։