ԱՄՆ գործող նախագահ Բարաք Օբաման հայտարարել է, որ Վաշինգթոնի սխալներն՝ Իրաքում Սադամ Հուսեյնի ռեժիմը տապալելու ռազմական գործողությունների ժամանակ ԴԱԻՇ ահաբեկչական կազմակերպության առաջացման պատճառներից մեկն են դարձել:
Հաղորդվում է, որ ամերիկյան առաջնորդն արել է այդ հայտարարությունը՝ հանդես գալով ամերիկյան Ռազմաօդային ուժերի բազայում ահաբեկչության դեմ պայքարի մասին ելույթով, որը հեռարձակվել է Սպիտակ տան կայքում:
«Մենք հրաժարվել ենք կրկնել 2003թ. ներխուժման որոշ սխալները, որոնք ի սկզբանե նպաստել են որպես ԴԱԻՇ հայտնի դարձած կազմակերպության աճին»,- ասել է նախագահը:
Ավելի վաղ ԱՄՆ պաշտպանության նախարար Էշթոն Քարթերը հայտարարել էր, որ ԱՄՆ կոալիցիայի զինված ուժերը չպետք է ավարտեն իրենց գործունեությունն Իրաքում անգամ ԴԱԻՇ-ի ակնկալվող պարտությունից հետո: