Հորդանանում, Ջեբել-Քուրմա շրջանում, Սև անապատ կոչվող վայրում հայտնաբերվել են հազարավոր պետրոգլիֆներ: Դրանք առնվազն 2 հազար տարեկան են, հայտնում է Live Science: Այժմ այս շրջանը կյանքի համար ծայրաստիճան անհրապույր անապատ է, ասել է Նիդեռլանդների Լեյդենսկի համալսարանի գիտնականներից մեկը:
Գրություններն այս պետրոգլիֆների վրա արված են սաֆաիթյան լեզվով, որով խոսել են ժամանակակից Սիրիայի, Հորդանանի և Արաբական թերակղզու տարածքում ապրողները: 2000 տարի առաջ այս տարածքը կյանքով լի է եղե:
Պետրոգլիֆների վրա պատկերված են առյուծներ, ձիեր, խոշոր թռչուններ, հավանաբար` ջայլամներ: Գրությունները շատ կարճ են, հիմնականում` անվանումներ:
Որոշ գրություններ ցույց են տալիս մարդկանց աշխատանքի բնույթը, փոքրաթիվ գրություններ էլ մատնանշում են կոնֆլիկտներ, որոնք եղել են Ջեբել-Քուրմայի տարածքում ապրողների և նաբաթացիների միջև:
Երբեմն էլ պետրոգլիֆների հեղինակները իրենց հույզերն են քարին փոխանցել: Ամենահետաքրքիր գրություններից մեկում ասվում է. «Խելագարվել եմ սիրուց»:
Հայտնաբերվել են նաև թաքստոցների և գերեզմանների հետքեր: Գիտնակնաները կարծում են, որ այստեղ ապրածներն ունեցել են քոչվոր կյանք: