ԱՄՆ նախագահի նախկին թեկնածու Հիլարի Քլինթոնի և երկրի նախկին նախագահ Բիլ Քլինթոնի ամուսնալուծության մասին լուրերը չեն համապատասխանում իրականությանը: Այս մասին հաղորդել է Snopes.com լրատվականը, որ մասնագիտացած է շշուկների և կեղծ լուրերի ուսումնասիրությամբ:
Նշվում է, որ Քլինթոնների բաժանության մասին լուրն առաջինը հրապարեկել է The Christian Times Newspaper-ը, հոկտեմբերի 10-ին, սակայն տեղեկատվությունը լայնորեն տարածվել է միայն այսօր:
Snopes.com լրատվականը նշել է, որ The Christian Times Newspaper-ն առաջին անգամը չէ, որ չճշտված ու մտացածին տեղեկատվություն է տարածում: