Իտալիայում վերջին երկու ամսվա ընթացքում երկրորդ ուժգին երկրաշարժն է տեղի ունեցել, այս անգամ 5.4 մագնիտուդ ուժգնությամբ:
Ինչպես հաղորդում է Lenta.ru-ն` ստորգետնյա ցնցումները գրանցվել են 19:11-ի դրությամբ տեղի ժամանակով (երևանյան` 21:11): Ցնցումների տևողությունը մի քանի վայրկյան է կազմել:
Երկրաշարժն զգացվել է երկրի կենտրոնական շրջաններում` Պերուջայում, Անկոնեում, Ֆաբրիանոյում, Պեզարոյում և Հռոմում:
Նշվում է, որ տուժած շրջաններում կտրվել են էլեկտրահաղորդակցության լարերը, տներում և այլ կառույցներում լույս չկա:
Բնակիչները հեռացել են տներից և դուրս են եկել փողոցներ: Հաղորդվում է մոտ 10 վիրավորի մասին: Ըստ վերջին տվյալների` կա 1 զոհ. Տոլենտինո քաղաքի 63-ամյա բնակիչը մահացել է երկրաշարժի ժամանակ ունեցած սրտի նոպայից:
Նշվում է նա, որ երկրաշարժի հետևանքով Հռոմի Կոլիզեյն ու Պանթեոնը տուժել են:
Հիշեցնենք, որ Իտալիայի կենտրոնական շրջաններում 6 մագնիտուդ ուժգնությամբ երկրաշարժ տեղի էր ունեցել օգոստոսի 24-ին, որի հետևանքով 281 մարդ էր զոհվել: