Բրիտանական դիզայներ, լեգենդար Spice Girls խմբի նախկին երգչուհի Վիկտորյա Բեքհեմը Instagram-ի իր էջում հայտնել է, որ եկող տարվա գարնանը վաճառքում կհայտնվի հագուստի իր նոր հավաքածուն՝ նախատեսված երեխաների համար:
Հավաքածուն ներառելու է հագուստի և աքսեսուարների 200 տարբեր անվանումներ՝ բոլոր տարիքի աղջնակների համար: Վիկտորիան նշել է, որ մանկական հագուստ ստեղծելու գաղափարն իր մոտ առաջացել է դեռ այն ժամանակ, երբ նա հղի էր Հարփերով: Իսկ ամենօրյա շփումը դստեր հետ, ով ամռանն արդեն 5 տարեկան է դարձել, թույլ է տվել նրան ավելի լավ հասկանալ, թե ինչպես է պետք մանկական հագուստը կանացի դարձնել, բայց նաև հարմարավետ և ֆունկցիոնալ:
Վիկտորյան խոստանում է, որ մանկական հագուստը վաճառվելու է բավականին մատչելի գներով՝ 6-ից մինչև 70 դոլար: