ԴԱԻՇ-ը հրապարակել է հերթական քարոզչական տեսանյութն` այս անգամ փորձելով հանրությանը համոզել, թե ինչ մեծ ոգևորությամբ են իրենց զինյալներն ընդունում մահապարտ ահաբեկչի վիճակահանությունում շահելու փաստը: Տեսանյութում երևում է, թե ինչպես մի խումբ ահաբեկիչներ խաղ են խաղում` ով կգուշակի` որ ձեռքում է քարը, նա էլ իրավունք կստանա իրականացնել ծրագրած ահաբեկչությունը: Ջիհադիստ հաղթողը չի զսպում արցունքները և մեծ ուրախությամբ գնում է ականապատ ավտոմեքենան նշանառու վայրում պայթեցնելու:
Բնականաբար, չի կարելի վստահ ասել` իրոք պատկերված տղամարդն է պայթյունի հեղինակը, թե սա պարզապես տարբեր կադրերի միակցում է:
Սակայն պարզ է մի բան, սրանով ԴԱԻՇ-ը փորձում է համոզել իր զինյալներին, որ մահապարտ դառնալը մեծ հեղինակություն է, քանի որ հայտնի է` նրանցից շատերը խուսափում են մահապարտ դառնալուց: