ԴԱԻՇ ահաբեկչական խմբավորման զինյալները թույլ չեն տալիս քաղաքացիներին լքել Իրաքի Մոսուլ քաղաքը: Այս մասին երեկ հայտարարել է Պենտագոնը, փոխանցում է Deutsche Welle-ը:
«Մենք գիտենք, որ նրանց որպես կենդանի վահան են օգտագործում»,- ասել է Պենտագոնի ներկայացուցիչ Ջեֆ Դևիսը: «Դա տեղի է ունենում մի քանի շաբաթ շարունակ, մենք ականատես ենք եղել, որ քաղաքացիներին ուժով պահել են և խոչընդոտել նրանց տեղաշարժին, և նրանք չեն կարողացել լքել Մոսուլը: Նրանց այնտեղ պահում են իրենց կամքին հակառակ»,- ավելացրել է Դևիսը:
Այժմ մարտեր են ընթանում Մոսուլի շուրջ գտնվող գյուղերում: Դևիսը հաղորդել է, որ իսլամիստները մահապարտներ են ուղարկում պայթուցիկներով հագեցած ավտոմեքենաների վրա՝ Իրաքի բանակի առաջխաղացումը կանգնեցնելու համար: