Պորտուգալիայի ազգային հավաքականի և «Ռեալ»-ի հարձակվող Կրիշտիանու Ռոնալդուն երկրորդ անգամ հայր կդառնա։ Այս մասին հայտնում է «90MIN»-ը։ Աղբյուրի տեղեկությունների համաձայն՝ ֆուտբոլիստն օգտվել է փոխնակ մոր ծառայություններից։ Պորտուգալացին արդեն ձևակերպել է անհրաժեշտ բոլոր փաստաթղթերը։ Նշենք, որ Ռոնալդուն արդեն ունի որդի՝ 2010 թվականին ծնված։ Նա ծնվել է արհեստական բեղմնավորման ճանապարհով։ Պորտուգալացին գաղտնի է պահում երեխայի մոր անունը։