Իրադարձություններ

Սիսակյան 3 հասցեի` 4-րդ կարգի վթարային շենքի 8 բնակիչներ բողոքում են, որ քաղաքապետարանը վերաբնակեցման ծրագրով իրենց ավելի քիչ թվով սենյակներ ունեցող բնակարաններ է հատկացնում: Նրանք պնդում են, որ դուրս չեն գալու շենքից այնքան ժամանակ, մինչև իրենց բողոքը չբավարարվի:

«Ինձ, որպես փախստական, մի սենյակ են տվել` Սիսակյան 3 հասցեում: Ընթացքում կողքի սենյակն էլ են հատկացրել, 20 տարի ապրել եմ, հիմա էլ ասում են՝ հանձնի քաղաքապետարանին: Ինը հոգով ենք ապրում, ինձ այսօր ընդամենը մեկ սենյականոց բնակարան են տալիս: Ինչպե՞ս են պատկերացնում` մենք ո՞նց ենք էդ մի սենյականոց բնակարանում ապրելու»,- MAMUL.am-ի թղթակցի հետ զրույցում գանգատվեց Իռա Սարդարյանը:

«Այս երկրում արդարություն չկա, մեզ համապատասխան փոխհատուցումը չեն տալիս»,- շարունակեց Զառան: Բնակիչներից Մարինե Կարապետյանի ընտանիքին էլ որևէ բան չեն հատկացնում. «Իսկ ինձ ընդհանրապես որևէ բան չեն տալիս, ասում են` չի հասնում, բայց ինչի՞, չեմ հասկանում: Շենքn ամբողջությամբ կիսաքանդ վիճակում է, մի օր փուլ է գալու մեր գլխին, բայց այնպիսի պայմաններ չեն առաջարկում, որ համաձայնության գանք»: