Ղրիմի ղեկավար Սերգեյ Ակսյոնովը հայտարարել է, որ իրենք արգելում են թուրքական ապրանքների ներմուծումը թերակղզու տարածք: Ինչպես հայտնում է «Flesh Crimea»-ն, Ակսյոնովի այդ կարգադրությունից հետո Ղրիմում կրկնակի աճել են մրգերի գները:
«Թուրքիայի քաղաքացիները չպետք է աշխատեն Ղրիմի տարածքում և թուրքական ապրանքները չպետք է ներմուծվեն մեզ մոտ»,- հայտարարել է Ակսյոնովը` մեկնաբանելով Ղրիմի` Թուրքիայի նկատմամբ ծրագրած պատժամիջոցները:
Բացի այդ` Ակսյոնովը հայտնել է, որ թուրքական ապրանքները Ղրիմի շուկայում մեծ ծավալ չեն զբաղեցնում, այդ իսկ պատճառով Թուրքիայի նկատմամբ կիրառվելիք պատժամիջոցները չեն կարող էական վնաս հասցնել Ղրիմի տնտեսությանը: