Չնայած պաշտոնյաների շարունակ հնչող խոստումներին՝ խաղողի մթերման հարցը մի շարք մարզերում դեռևս լուծված չէ: Գյուղացիները պարբերաբար բողոքի ցույցեր են անցկացնում, փակում ճանապարհներ, բայց անարդյունք. խաղողը փչանում է: Ասում են՝ Տավուշի մարզում, օրինակ, բնակիչները պատրաստվում են խաղողով լցված բեռնատարներով հասնել Երևան՝ Բաղրամյան 26՝ բարձրացնելու իրենց բողոքի ձայնը: Մթերման խնդիրը հանգիստ չի տալիս նաև Արմավիրի մարզի խաղողագործներին: Ասում են՝ վերջիններին էլ զայրացրել է հատկապես այն, որ մինչ հերթեր են գոյանում գործարանների մոտ, օրեր առաջ արտահերթ մթերվել են ՀՀ փոխոստիկանապետ Լևոն Երանոսյանին պատկանող այգիներից հավաքված խաղողները: