Գրոզնիյում արգելվել են հարսանեկան տորթերը, հարսի պարը և այլ «անպարկեշտություններ»
 Չեչնիայում որոշ ժամանակ առաջ նախագահ Ռամզան Քադիրովը խստիվ արգելել էր հարսնացուներին հագնել դեկոլտեն, պարանոցը կամ թևերը բաց զգեստ: Սակայն դրանով հարսանեկան արարողությունների անցկացման վերաբերյալ խստացումներն ու սահմանափակումները չեն դադարեցվել: Այսօր մայրաքաղաք Գրոզնիի քաղաքապետարանի կայքը հրապարակել է քաղաքապետի նոր հրահանգների մի ամբողջ շարք՝ հարսանեկան արարողությունների անցկացման կանոնների վերաբերյալ: Այսպես, Գրոզնիյում այսուհետ արգելվում են` * կրակել ցանկացած տեսակի հրազենից, * ներկայանալ հանդիսությանը ոչ սթափ վիճակում, * չի կարելի ներկայանալ չեչենական ավանդույթներին ոչ հարիր հագուկապով, * չի կարելի պարել միաժամանակ 2 կամ ավելի զուգընկերուհու հետ, ինչպես նաև՝ փոխանակել նրանց, * արգելված են ցանկացած տեսակի ձայնարկությունները, ռեպլիկներ փոխանակելը, ինչպես նաև՝ «անպատշաճ մարմնաշարժությունները», այդ թվում նաև՝ ակրոբատիկ շարժումները, * առաջին պարին արգելվում է առաջ անցնել տարեցներից, շուրջպարի մեջ չպետք է մեկ զույգից ավելի լինի, իսկ պարողների միջև հեռավորությունը չպետք է պակաս լինի պարզած ձեռքի հեռավորությունից, * չի կարելի առանց թույլտվության վեր կենալ պարելու, իսկ թույլտվություն հարցնելն արգելված է: * աղջիկներին արգելվում է պարի ժամանակ մրցակցել պատանիների հետ, նաև՝ 3 պտույտից ավելի կատարել մեկ պարի ընթացքում: * փոխարենն աղջիկներն ամեն պահի կարող են լքել շուրջպարն, իսկ տղամարդիկ չպետք է փակեն նրա ճանապարհը, քանի որ չեչենուհիների իրավունքները հարսանիքներին պաշտպանված են, * խստագույնս արգելվում է հարսի պարը՝ լեռների վեհ դուստրը չպետք է մարմինն ամենահնարավոր ձևերով այս ու այն կողմ տանի հանրության առաջ, * խստագույնս արգելվում են հարսանեկան տորթը և դրա հետ կապված բոլոր արարողությունները, Ի դեպ նշենք, որ տորթերն արգելքի տակ են նաև Տաջիկստանում, որտեղ ծննդյան արարողությանը տորթ տանելու համար պետք է վճարել 633 դոլարին համարժեք սոմոնի: Իսկ Չեչնիայում վերոնշյալ արգելքները ոտնահարողներին պատժելու համար միջոցառումների սրահի աշխատակիցներին հրամայված է կանոնազանցություն նկատլու դեպքում ահազանգել ոստիկանություն: |
