Օդը թարմացնող աէրոզոլներն ու բուրումնավետ փայտիկները մեծ վտանգ են ներկայացնում մարդկանց առողջության համար, պարզել են գիտնականները: Այս նյութերը կարող են առաջացնել ԴՆԹ-ի քաղցկեղածին մուտացիա, ինչպես նաև՝ դառնալ ասթմայի պատճառ:
Այսօր Հայաստանում ընտանիքների մեծ մասի զուգարաններում առկա է այս կամ այն բույրով աէրոզոլ, բուրավետ փայտիկներ ու մոմեր նարդոսի, անանուխի, էվկալիպտի, սոճու, կիվիի և այլ բույրերով: Սակայն գիտնականների բոլոր հետազոտությունները հանգում են նրան, որ այս նյութերը մահացու վտանգ են պարունակում: Ավելի վաղ մենք ներկայացրել էինք, որ խունկի ծուխն օրգանիզմի համար ավելի վտանգավոր է, քան ծխախոտի ծուխը: Պակաս վտանգ չեն ներկայացնում նաև բազմաթիվ սփրեյները, դեզոդորանտները, որոնց մեջ պարունակվող նյութերը հարուցում են թոքերի ախտահարում և քաղցկեղային ուռուցքներ: Դրանք ազդում են հորմոնների վրա ու առաջացնում քրոնիկ ասթմա:
Օդը թարմացնող սփրեյներն օդում ցրում են ֆորմալդեհիդի (կոնցերագեն նյութ), բենզոլային նյութերի, պ-դիքլորբենզոլի զգալի քանակ, որոնք կարող են առաջացնել քթի, թոքերի, կոկորդի քաղցկեղ: Ընդ որում, բուրավետ փայտիկները վտանգավոր են անգամ առանց դրանք վառելու: Պարզ ցնդման արդյունքում դրանց մեջ առկա թունավոր նյութերը տարածվու են ողջ տնով մեկ: Օրգանիզմը կլանում է վտանգավոր նյութերն անգամ այն ժամանակ, երբ մարդն ուղղակի դիպչում է այդ փայտիկներին: