Ինչպես ավելի վաղ հայտնել էինք, երեկ` օգոստոսի 4-ին, Նիժնի Նովգորոդում դաժան սպանություն է տեղի ունեցել: Իրավապահները քաղաքի բնակարաններից մեկում հայտնաբերել են վեց երեխաների և նրանց մոր մասնատված դիերը: Ընտանիքի հայրը` 1963թ. ծնված Օլեգ Բելովը սպանության հիմնական կասկածյալն է, ով նաև հանդիսանում է կրոնական կազմակերպության անդամ և ունի հոգեկան խանգարումներ:
«Գազետա»-ի փոխանցմամբ` Օլեգ Բելովն այժմ գտնվում է Վլադիմիրսկի մարզի հիվանդանոցներից մեկում: Տեղի բժիշկների խոսքով` երեկ գիշերը Բելովը վիրահատության է ենթարկվել, որից հետո նրան տեղափոխել են վերակենդանացման բաժանմունք: Վերջինների խոսքերով` նրա վիճակը կայուն է:
Աղբյուրը նշում է նաև, որ Օլեգին հաջողվել է բռնել Կովրովում իրավապահ մարմինների կողմից կազմակերպված հատուկ գործողությունների արդյունքում: Այդ ընթացքում Օլեգը դիմադրություն է ցույց տվել, որի արդյունքում հրազենային վիրավորում է ստացել և տեղափոխվել հիվանդանոց: