«Բրիտանական ավիաուղիներ»-ին պատկանող և BA274 չվերթն իրականացնող օդանավը ստիպված է եղել փոխել իր ուղղությունը և վայրէջք կատարել: Ինչպես գրում է «Դեյլի Մեյլ»-ը, Լոնդոնից Լաս Վեգաս մեկնող օդանավն ստիպված է եղել թռիչքուղուց շեղվել և վայրէջք կատարել Դորվալի «Թրուդեաու» օդանավակայանում:
Աղբյուրը նշում է, որ վերոհիշյալի պատճառ է հանդիսացել օդանավում առկա պայթուցիկի մասին ահազանգը: Գլխավոր օդաչուն ահազանգի մասին տեղեկանլուց հետո որոշում է կայացրել անմիջապես վայրէջք կատարել Դորվալում: Վայրէջքից հետո օդանավում առկա 312 ուղևորները դուրս են բերվել այնտեղից և տեղափոխվել օդանավակայանի սպասասրահ:
«Բրիտանական ավիաուղիներ»-ի ղեկավարներն այնուհետև ընկերության թվիթերյան էջում նշել են, որ օդաչուն դիմել է այդ քայլին, քանի որ իրենց համար առաջնային հարց է հանդիսանում ուղևորների կյանքի անվտանգությունն ու ապահովությունը:
Ինքնաթիռն այժմ խուզարկվում է Մոնրեալի ոստիկանների կողմից: