Քաղաքացիներից մեկը ֆեյսբուքյան իր էջում հրապարակել է լուսանկար և գրել. «Ես չինական «Գրանդ Քենդի» շատ եմ սիրում:
Իմ համար գնում եմ, առնում 1 կգ վանիլային «Գրանդ Քենդի» պաղպաղակ և 500 գ շոկոլադե պաղպաղակ:
Հավաքվում ենք ընտանիքով, երեկոյան մեկ բաժակ սուրճի հետ բացում ենք ամեն մեկս մեր բաժինն, ուտում և ի՞նչ, սենց ուտում եմ, զգում եմ` թթվաշ ա ու սառը, ասի` կուլ տամ, թե հանեմ, որոշեցի հանեմ, հանեմ, տենամ ի՞նչ` տառակա՞ն, ֆու, չինացի չեմ, ես ՀԱՅ եմ: Հետո տենց մի կերպ զզվելով տհաճ իրավիճակներ մի 3 անգան հետ տալով... Ուշքի եկա, սթափվեցի ու նկարեցի: Բայց արդեն ուշ էր, ես կերել էի նրա 1 ոտքը....
«Գրանդ Քենդիի» թեժ գիծն այդպես էլ չպատասխանեց իմ զանգերին, իհարկե այն հետ տվեցի խանութ.....
Եթե կցանկանա «Գրանդ Քենդին» կապնվել ինձ հետ, որպեսզի բացատրի այս ամենը, թող զանգահարի +37477773082 կոդով գրեցի, որ էդ մարդիկ Չինաստանից կարողանան զանգահարել»,- նշել է օգտատերը:
Վերոնշյալ խնդրի հետ կապված` ՄԱՄՈՒԼ.am լրատվականի թղթակիցը զրուցեց «Գրանդ Քենդի» ընկերության մամուլի ծառայության ղեկավար Վահրամ Բրուտյանի հետ:
«Տեղյակ ենք այդ խնդրից, զբաղվում ենք, ճշտում ենք պատճառները, ճշտում ենք արդյոք դա ճի՞շտ է, թե՞ սուտ»,- ասաց նա:
Հարցին` ուսումնասիրելուց հետո արդյունքների մասին պատասխան կուղարկե՞ն լրատվամիջոցներին, ասաց. «Երբ որ լինի պատասխանը, և հարկ համարենք ուղարկելու` կուղարկենք»: