Գերմանիայի կանցլեր Անգելա Մերկելը հանդես է եկել հօգուտ Միացյալ Նահանգների և Եվրոմիության միջև Տրանսատլանտյան համաձայնագրի շուտափույթ կնքման: Ինչպես հաղորդում է «Sueddeutsche Zeitung»-ը, համաձայնագիրը ենթադրում է ԵՄ և ԱՄՆ-ի միջև ներդրումների և առևտրային ավելի ինտենսիվ համագործակցություն:
Գերմանիայի կանցլերը հույս է հայտնել, որ այդ համաձայնագրի կնքումն ու վավերացումը տեղի կունենա մինչև 2017թ.: Բացի այդ՝ Մերկելը հայտնել է, որ այդ համաձայնագիրը հատկապես կարևոր է Գերմանիայի համար, քանի որ Գերմանիան և Միացյալ Նահանգներն ակտիվորեն համագործակցում են առևտրի ոլորտում:
Ավելի վաղ առևտրի հարցերով ԵՄ ներկայացուցիչ Կարել դե Գյուխտը հայտնել էր, որ ԱՄՆ-ն պարտավոր է սկսել նավթի արտահանումը Եվրոպա՝ կապված տարածաշրջանում ստեղծված աշխարհաքաղաքական բարդ իրավիճակի հետ: