Վերջերս համացանցում է հայտնվել պատերազմների կիզակետում գտնվող Սիրիայում արված հուզիչ մի տեսանյութ, որում պատկերված սիրիացի փոքրիկը կարծես ներկայացնում է պատերազմի հետևանքով երկրում ստեղծված դրության ծանր հետևանքների կրողը հանդիսացող սիրիացի բոլոր փոքրիկների հավաքական կերպարը:
Ինչպես գրում է «Դեյլի Մեյլ»-ը, տեսանյութի մեջ մոտ 5 տարեկան սիրիացի փոքրիկը հայտնում է, որ քաղցած է և ցանկանում է մի կտոր հաց ուտել: Այն հարցին, թե ինչով է սնվում, փոքրիկը պատասխանում է, որ արդեն երկար ժամանակ է, ինչ ինքը հաց չի կերել, իսկ քաղցած չմնալու համար իրենք պարզապես խոտով են սնվում: