Վերջին 10 օրվա ընթացքում Հնդկաստանում ավելի քան 1200 մարդ է զոհվել երկրի հատկապես հարավային նահանգներում տիրող սաստիկ տապի պատճառով: Պաշտոնական հաղորդագրության մեջ ասվում է, որ ամեն օր զոհերի թիվը 100-ներով ավելանում է: Վերջին տվյալներով՝ օդի ջերմաստիճանը հասել է 48,8 աստիճան Ցելսիուսի: Հաղորդվում է, որ առաջիկայում ջերմաստիճանը կհասնի 50 աստիճանի: Ջերմաստիճանի աստիճանական նվազեցում կանխատեսվում է 2-3 օրից հետո միայն:
Բժիշկները երկրի բնակիչներին հորդորում են հնարավորինս քիչ դուրս գալ տնից, նվազեցնել ֆիզիկակակն ակտիվությունը և շատ հեղուկ խմել: Իսկ օտարերկրա զբոսաշրջիկներին խորհուրդ է տրվում խուսափել այս օրերին Հնդկաստան այցելելուց: