Միջազգային

Եվրոմիությունը, որ ցանկանում է նվազեցնել ռուսական էներգակիրների մատակարարումներից կախվածությունը, բանակցում է Թուրքմենստանի հետ՝ մինչ 2019թ. այդ երկրից Եվրոմիություն գազ ներկրելու հարցի շուրջ: «Ռոյթերս»-ի հաղորդմամբ՝ այդ մասին հայտնել է Եվրոհանձնաժողովի փոնախագահ Մարոշ Շևչովիչը:

Նշենք, որ Ռուսաստանն ապահովում է Եվրոպայի բնական գազի պահանջարկի շուրջ մեկ երրորդը: Ղրիմի՝ Ռուսաստանին միացումից և Ուկրաինայում ծավալված լարված իրադարձությունների ֆոնին, սակայն, Եվրոմիությունը ցանկանում է այլընտարնքներ գտնել:

Շևչովիչը նշել է, որ Թուրքմենաստանին անհրաժեշտ է դիվերսիֆիկացնել արտահանման, իսկ Եվրոմիությանը՝ ներկրման հնարավորությունները: Նախագծի նպատակն է ապահովել թուրքմենական գազի մատակարարումը Կասպից ծովի միջոցով այսպես կոչված՝ «հարավային միջանցքով», որը ներառում է Ադրբեջանն ու Թուրքիան:

«2019 և 2020 թվականներին Ադրբեջանից դեպի Եվրոպայի սահմաններ բոլոր այդ գազամուղները՝ Հունաստանի, Ալբանիայի, Իտալիայի ուղղություններով, պետք է կառուցված լինեն»,- ասել է ԵՄ փոխնախագահը: