Եթե այս շաբաթ համաձայնագիր կնքվի Միացյալ Նահանգների ու Իրանի միջև, հնարավոր է, որ նավթի գները դարձյալ անկում գրանցեն, բացի այդ, էական հարված կհասցվի Հյուսիսային ծովում նավթարդյունահանմանը: Այս մասին գրել է «The Sunday Times»-ը: «Իրանը նավթի պաշարներով 4-րդ տեղն է զբաղեցնում աշխարհում, իսկ գազի պաշարներով` 2-րդ: Բայց արդյունահանումը արգելակված է պատժամիջոցների հետևանքով: Եթե Իրանը համաձայնի հրաժարվել միջուկային հավակնություններից և համապատասխան համաձայնագիր կնքի Արևմուտքի հետ, ապա նավթի շուկայում, որտեղ արդեն 1 միլիոն բարելի ավելցուկ կա, կավելանա ևս 500 հազար բարել իրանական նավթ:
Դա, ըստ լրատվականի, արդեն իսկ քաոս է առաջացրել Հյուսիսային ծովի նավթարդյունահանող ընկերություններում: Ընկերություններն աշխատանքից հանել են հազարավոր աշխատակիցների ու կրճատել աշխատավարձերը: