Միջազգային

Եվրոմիությունը խրախուսում է ԵԱՀԿ Մինսկի խմբի միջնորդությամբ իրականացվելիք բանակցությունները, որոնք ուղղված են Լեռնային Ղարաբաղի հակամարտության կարգավորմանն ու Հայաստանի և Ադրբեջանի միջև երկխոսության ծավալման կարգավորմանն, այդ թվում նաև՝ նախագահների մակարդակով: Այս մասին ադրբեջանական «Թրենդ» գործակալությանը հայտնել են Եվրոմիության մամուլի ծառայությունից՝ մեկնաբանելով հակամարտության կարգավորման գործում իրենց ունեցած դերակատարությունը:

«Լեռնային Ղարաբաղի հակամարտության կարգավորումը շարունակում է մնալ ԵՄ գերագույն առաջնահերթությունների շարքում: Մենք անընդունելի ենք համարում ներկայում գոյություն ունեցող ստատուս քվոն»,- հայտնել են ԵՄ մամուլի ծառայությունից: