«Էրեբունու» նախկին շուկայի տարածքում այսօր տեղի ունեցած փլվածքի հետևանքով 5 կրպակ հողին է հավասարվել: Արտակարգ իրավիճակների նախարարության նախնական տվյալներով` շինության համար փորված հիմքի եզրաշերտի հողազանգվածն է սահել, ինչից էլ խանութները քանդվել և սահել են փոսը: Ասում են` կառուցվելիք շինությունը հերթական «Երևան Սիթի»-ն է լինելու, և որ այդ մասին լուրերը վաղուց էին շրջանառվում: Ավելին, շատերն այստեղ դիտավորություն են տեսնում. կրպակների սեփականատերերին դեռ ամիսներ առաջ էին ստիպել` հեռանալ, բայց արժանացել էին նրանց դիմադրությանը: