Սա լավ դաս էր Ադրբեջանի մեծամիտ, պարծենկոտ նախագահի համար. «Հայոց աշխարհ»
10:51, չորեքշաբթի, 20 օգոստոսի, 2014 թ.
 Պատասխանելով մեր այս հարցին՝ Արտակ Դավթյանը երեկ նշեց. «Իհա՛րկե, և դա լավ դաս էր առաջին հերթին Ադրբեջանի և նրա մեծամիտ, պարծենկոտ նախագահի համար։ Գործնականում բոլորի համար պարզ դարձավ՝ մեր պատասխանն ինչպիսին կլինի, եթե Ադրբեջանը, Աստված մի արասցե, լայնածավալ գործողություններ սկսի Արցախի և Հայաստանի դեմ։ Զերծ մնալով ռազմական հռետորաբանությունից՝ մենք ամենաբարձր մակարդակով հայտարարել ենք, և ոչ մեկ անգամ. եթե Ադրբեջանը փորձի կյանքի կոչել հոխորտանքները, որ հնչում են ադրբեջանական վերնախավի կողմից, պատասխանը համարժեք կլինի, և այդ պատասխանը չուշացավ։ Եթե հակառակորդը դիմի ավելի լայնածավալ ռազմական արկածախնդրության, վստահ եմ, հակահարվածը կլինի այնքան ուժգին, որ ուղղակի կսասանի ադրբեջանական պետականության հիմքերը։ Մենք ևս պետք է դասեր քաղենք տեղի ունեցածից, ցանկացած պահի պատրաստ լինենք դիմակայելու Ադրբեջանի և իր ավագ եղբոր՝ Թուրքիայի ոտնձգություններին, լինեն դրանք ռազմի դաշտում, դիվերսիոն ներխուժումների և սահմանային տարաբնույթ սադրանքների տեսքով, դիվանագիտական ասպարեզում, թե քարոզչական դաշտում։ Հաշվի առնելով, որ սպառազինությունների շարունակական բարելավումը և արդիականացումը անընդհատ գործընթաց է, մենք էլ պետք է ըմբռնումով վերաբերվենք դրա համար հատկացվող գումարներին եւ սիրենք, փայփայենք մեր բանակը՝ որպես անկախության տարիներին ձևավորված ամենակայացած կառույցներից մեկը»։ Մանրամասները՝ թերթի այսօրվա համարում: |
6371 | 2
