Խնդրում ենք սպասել...

Թերթերի տեսություն

ՇՊՀ-ի թնջուկը. ռեկտորը երկու ամսից վերադառնալո՞ւ է բուհ. «Ժամանակ»

09:50, չորեքշաբթի, 23 մայիսի, 2018 թ.
ՇՊՀ-ի թնջուկը. ռեկտորը երկու ամսից վերադառնալո՞ւ է բուհ. «Ժամանակ»

«Ժամանակ»- գրում է. «Սահակ Մինասյանի հրաժարականով Շիրակի պետհամալսարանում խնդիրը չի լուծվել։ Նա բոլոր տեղերում բացահայտ հայտարարում է, որ երկու ամսից ինքը վերադառնալու է բուհ։

«Նրան փոխարինել է իր մտերիմ ընկերը՝ Երվանդ Սերոբյանը, որից որևէ դրական բան սպասել հնարավոր չէ: ՇՊՀ-ում տեղի է ունեցել այն, ինչ քաղաքականության մեջ թույլ չտվեց Նիկոլ Փաշինյանը։ Հիշում եք, ՀՀԿ-ն ասում էր՝ Սերժ Սարգսյանը չլինի, բայց Կարեն Կարապետյանը դառնա վարչապետ։ Բոլորը շատ լավ հասկանում էին, որ Կարեն Կարապետյանի գալով ոչինչ չի փոխվելու, և միևնույն է, Սերժ Սարգսյանը շարունակելու է ղեկավարել երկիրը։

Հիմա մեր համալսարանում տեղի ունեցավ այն, ինչ ցանկանում էին անել երկրում։ Սահակ Մինասյանը գնաց, բայց նրան փոխարինելու եկավ նրա տեղակալը, ով ամեն ինչով պարտական է Սահակ Մինասյանին՝ թե՛ բուհում որպես դեկան, հետո պրոռեկտոր նշանակվելու հարցում։

Երվանդ Սերոբյանի համար ժամանակին Սահակ Մինասյանը անգամ բուհի կանոնադրությունը փոխեց, ստաժի պահը հանեց, որ Սերոբյանին նշանակի դեկան»,- ասաց Համբարյանը՝ հավելելով, որ Սահակ Մինասյանը թեև պաշտոնապես հրաժարական է տվել, սակայն նա մշտապես լինում է բուհում»։

Մանրամասները՝ թերթի համարում:

4180 | 1
Facebook