Վաղը` ժամը 11։00-ին, վարչապետի պաշտոնակատար Կարեն Կարապետյանի և ԱԺ «Ելք» խմբակցության ղեկավար Նիկոլ Փաշինյանի` «Մարիոթ» հյուրանոցում նախատեսված հանդիպումն ու բանակցությունները կկայանան առանց լրագրողների ներկայության, այս մասին հայտնել է «Քաղաքացիական պայմանագիր» կուսակցության խոսնակ Տիգրան Ավինյանը:
Միայն հանդիպման սկզբնական պահին լրագրողները հնարավորություն կունենան տեսագրել և լուսանկարահանել նրանց: Դռնփակ պայմանավորվածություններից հետո բանակցողները հայտարարություն կանեն:
Ըստ խոսնակի՝ բանակցությունների փակ լինելու պահանջը փոխհամաձայնեցված է եղել, ակնկալվում են բովանդակային քննարկումներ։