Իրադարձություններ

ԱՄՆ Քալիֆորնիա նահանգի Գլենդել քաղաքի հայ համայնքը նույնպես միացել է Հայաստանում Սերժ Սարգսյանի դեմ տարվող պայքարին: Այս պահին Գլենդելի հայկական հյուպատոսարանի դիմաց նրանք բողոքի ակցիա են անցկացնում՝ կոչ անելով համայն հայությանը միավորվել: Նրանց խոսքով՝ իրենք չէին կարող անտարբեր մնալ հայ երիտասարդության պայքարին և իրենց այօրվա դուրս գալը հենց դրանով է պայմանավորված: «Ոչ ոք իրավունք չունի մերժելու հայ երիտասարդության ցանկությունը, կամքը, խորտակելու նրա հույսը և ոչ ոք չի կարող ստիպել նրանց դուրս գալ երկրից և իր ապագան փնտրել օտարության մեջ»,- հայտարարեցին կազմակերպիչները:

Նշենք, որ բողոքի ակցիային միացել են հայ երգիչներ՝ Շպռոտը, Արփինե Բեկջանյանը և այլոք: