Թուրքիայի և Ռուսաստանի նախագահները հեռախոսազրույց են ունեցել, որի ընթացքում քննարկել են Սիրիայի Արևելյան Ղութա արվարձանում քիմիական հարձակումը, որի մասին ավելի վաղ հայտնել էր ԱՄՆ Պետդեպարտամենտը: Այս մասին հայտնում են թուրքական լրատվամիջոցները:
Հեռախոսազրույցի ընթացքում Էրդողանն անհանգստություն է հայտնելԱրևելյան Ղութայի Դումա քաղաքում քիմիական զենքի կիրառման կապակցությամբ:
Daily Sabah-ը՝ հղում անելով Թուրքիայի նախագահի վարչակազմի աղբյուրներին, հայտնում է, որ Էրդողանն ընդգծել է Սիրիայում խաղաղ բնակիչների կոտորածի դադարեցման կարևորությունը:
Մեկ այլ աղբյուր հայտնել է, որ երկու երկրների նախագահներն ընդգծել են հումանիտար օգնություն ցուցաբերելու ուղղությամբ համատեղ գործողությունների անհրաժեշտությունը: