Այսօր հայտնի է դարձել, որ ֆուտբոլի Հայաստանի հավաքականի գլխավոր մարզիչ Արթուր Պետրոսյանը հրաժարական է ներկայացրել, որն ընդունվել է ՀՖՖ նախագահ Ռուբեն Հայրապետյանի կողմից։ Ասում են, որ հավաքականի գլխավոր մարզչի պաշտոնը կրկին կստանձնի Վարդան Մինասյանն, ով այժմ աշխատում է որպես ՀՖՖ տեխնիկական տնօրեն։ Այս նշանակումն առավել իրատեսական է թվում՝ հաշվի առնելով, որ հավաքականը պայքարում է Եվրոպայի առաջնության եզրափակչի ուղեգրի համար, որը կարող է ձեռք բերել Ազգերի լիգայի մրցաշարին հաջող մասնակցելով։ Իսկ հավաքականն իր լավագույն արդյունքները գրանցել է հենց Մինասյանի օրոք։
Հիշեցնենք, որ Վարդան Մինասյանը հավաքականը գլխավորել է 2009-2013 թվականներին։ Հենց նրա օրոք մեր հավաքականը վերելք էր ապրում։ 2009-ին նա շարունակել է երջանկահիշատակ Յան Պորտերֆիլդի գործը՝ 2 անգամ ռեկորդ գրանցելով Հայաստանի հավաքականի հետ՝ ՖԻՖԱ-ի դասակարգման աղյուսակում զբաղեցրած հորիզոնականով։