ՌԴ Կեմերովո քաղաքում տեղի ունեցած ողբերգությունը շատ հարցեր էր ծնել՝ ինչո՞ւ են կինոթատրոնում փակված եղել երեխաներն, ինչո՞ւ է 40-45 րոպե ուշացումով եկել փրկարարական ու հրշեջ օգնությունն, ինչո՞ւ կամավորներին արգելել են ներս մտնել շինություն ու օգնել այրվողներին, ինչո՞ւ է անջատված եղել հրդեհաշիջման համակարգն, ինչո՞ւ չի գործել տագնապային ազդանշանը և այլն: Այս ամենը հանրության մեջ առաջացրել էր կասկած՝ արդյո՞ք ահաբեկչություն չէր այս սարսափելի դժբախտությունը:
MAMUL.am-ը հարցում էր անցկացրել՝ պարզելու մեր օգտատերերի կարծիքն այս թեմայի վերաբերյալ:
Հարցման մասնակիցների 56%-ի կարծիքով տեղի ունեցածն ահաբեկչություն էր, 24%-ը դժվարացել էր պատասխանել, 20%-ը դա դժբախտ պատահար էր համարել: