Վրաստանի նախկին նախագահ, Օդեսայի նախկին նահանգապետ Միխայիլ Սաակաշվիլին ուկրաինական լրատվամիջոցներին հայտնել է, որ Ուկրաինայի նախագահ Պետրո Պորոշենկոն ժամանակին իրեն առաջարկել է վարչապետի պաշտոնը, գրում է «Известия»-ն:
Քաղաքական գործիչը պատմել է, որ Պորոշենկոն մշտապես ակնարկում էր կառավարության նախկին ղեկավար Արսենի Յացենյուկին և նույնիսկ դրական է պատասխանել, երբ ինքն ուղիղ հարցրել է այդ մասին: Սակայն Սաակաշվիլին այդ ժամանակ հրաժարվել է:
Սաակաշվիլին հայտնել է նաև, որ չի հավակնում նախագահի պաշտոնին, սակայն պատրաստ է վարչապետ դառնալ:
«Ես, միանշանակ, պատրաստ եմ պատասխանատվություն կրել Ուկրաինայի նորմալ կառավարությունում»,- ասել է Սաակաշվիլին:
Հիշեցնենք, որ քաղաքական գործչին ձերբակալել էին դեկտեմբերի 8-ին, սակայն ավելի ուշ դատարանը նրան ազատ էր արձակել: Նախօրեին նա Կիևում ցույց է կազմակերպել: